ليا زمان

ليا  زمان   مكتبت  ولا خربشت   شي  ع البلوق  الحق.. وصارن احداث  واجدات  ومش عارف  من  وين نبدا   الحق   انا  روحت  من  سفري  وخشينا  ع   عرس  صاحبي  طووول  ... اصلا  هو   اتصل بيا  قالي  وينك ياولد مش  مبين!!
 قوتله اليوم  روحنا   من الخدمه ...

.. قالي  مالا  بيش  تانس  وهكي  بدانا   ف  جو العرس   الأربعاء عادي  جدا   تعارف  ع  اصحابه   وتعويله  بسيطه  ف العرس  ... ومنحكيلكم ع  المتفجرات   والالعاب الناريه   حاله   تلوت   سمعي   بكل معني الكلمه .....
تاني  يوم  يوم السلطان ( العريس)  العالمي  والازلي   احداث  تتولي  يوم   عالمي   ف  استراحه   احد  الاصحاب  .. جو جميل  قضيته  والله    واكملنا   يوم  بانتهاء  الزفه   والسلطان   (العريس)  مع عروسته .. وروحت من التعب  ميت  ☺..







 أسبــــــــــــــــــــــــــوع   عادي   مر وكانه   يوم   اصلا

صباح لنّدني بامتياز

الجو من الاخير سمح ..اطلع طوول هههه مطر وجو سحاب وخيرااات ربي يدوم علينا رحمه ربي..
ياعزها رفاقه صح وعكسه ف البر وبراد شاهي وخبزه نشطشطوووها ع نار والمطر اتصب ...
تي مالا رائحه التراب لما تصب مطر متفهم شي ... الحق تعز عليا انا ...
واخيرا بعد طول انتظار حضر الضيف الي نحبه الشتاء ..معلن بنسمته البارده وقطرات مطره الشفافه النقيه.. موسم الرحمه..

تاني كسوف للشمس ف حياتي

صباح الخير..

...اليوم حيصير كسوف للشمس وهدا تاني كسوف نشوفه ف حياتي ونفس المكان ..طبعااا ف الواحات ..
خلي نحكيلكم ع اول كسوف كان يوم عادي طبعا  وبدا الكسوف تدريجيا الشمس اختفت ورا قرص القمر ..مع هدا كنا مجهزين بنظارات خاصه طبعا لرؤيته.. بس السنه هذه مافيش شي جافه الحكايه..
وبدا الليل يطلع والنجوووم ف عز القايله ..زي المثل الليبي شفت النجوم ف عز القايله انا يومها شفتهن.. طبعا اضاءة الشوارع ولعت ع خاطر النظام متاعها خلايه ضوؤئيه وتشتغل اول ما تظلم عليها..
وبعدها ممكن بنص ساعه طلعت الشمس وعاده الحياه لي سابق عهدها..
زعمك اليوم نفس الموضوع والا فيه اختلاف نشوفوا بعدين ...

يوم عطله

اليوم الجمعه ..بدا كيوووم عادي شغل يعني من ساعه 6 صبح ف المكتب .. طباعا اليوم شرفنا  واحد اسمه اسامه طبعا هدرزه ليبيه ع صبح وتقطيع قرمه صافييييه..

..قالك يوم جمعه
..
ع اساس بنصلي الجمعه روحت بنتريح والقيت روحي ف الدايمات نوووويمه .. وعيت الساعه 13:30  ورجعنا خدمه وحاله وخلاص..
....يوووم عادي

متعفلق

صبح يافتاح.. فيه بعض البشر اشويه فيه تولع النار وهو حي
..

ف الخدمه

صباح الخير
...
وبدينا اليوم الروتين يقتل والليبين لما يكسدوا مافيهمش خير ..طبعا من كسادي فتحت ع mbc MAX وفيلم الهندي متاع مليونير ..

...درهت كبدي من هالهنووود بس شن بندير !!

يوم روتيني ورجعت حليمه لعادتها القديمه

صباح الخير...

..الساعه 5:30 واعي ومصعب النوضه بدري ف الاول تحس ف روحك مش طبيعي لانه...النوووم مافيش احلي منه والحكايه بدت شتاء يعني اصعب فراق ،فراق البطانيه والوساده...

-_- شي واعر تحملـــه,,

أكثر الأمور إرهآقاً ؛ كتمآن مآ نحن ب حآجة لِ بوحه !

بدايه مشجعه...

السلام عليكمـ ...



.. ان شا الله  بنبدا   تدوين ف   البلووق  متاع  القوقل ..  وبكتب  ع   واقع الشاب الليبي ..